www.gunnfridur.blogcentral.is 

Ég er að fá gesti í Ágúst:D:D:D Er að plana á fullu hvað er hægt að gera hérna:) Það er sko hellingur...

Ég er heima bara á daginn og dunda mér einhvað, fer oft bara út í búð eða baka þangað til Ingi kemur heim úr vinnunni. Þannig að það gerist fátt..

Síðan síðast þá er bara búið að rigna eiginlega og loksins farið að sjást til sólar, hitinn er líka búin að verafrekar lágur en í stabílum 15- 20 gráðum, núna á að fara að hitna aðeins og hætta að rigna í bili..

Á morgun á að taka rafmagnið af kollegíinu okkar frá 7 a.m. til 8 p.m. s.s. í 13 klst, ég veit ekki alveg hvað ég get gert allan daginn þar sem að það á að rigna í þokkabót, býð mér kanski bara í heimsókn einhvert.

Rafmagnsleysið er eiginlega rúsinan í pulsuendanum, mig er mikið farið að langa að sækja um íbúðir á öðrum kollegíum. Er orðin mjög þreytt á partýstandi um hverja helgi beint fyrir neðan okkur, í þokkabót út á svölunum beint fyrir neðan svefnherbergisgluggan, erum að hugsa um að hringja í lögregluna þar sem að þetta stendur yfirleitt til 3. Ef það er ekki partý þá er grenjandi barn heilu helgarnar. Eina sem stoppar okkur er staðsetningin, ströndin er svo nálægt, en reyndar gtum við komist nær skólanum og kanski í aðra átt frá miðbænum.

Jæja ég skrifa einhvað þegar það er einhvað að frétta

Gunnfríður 

En hinsvegar er pakkinn hans inga ekki kominn!! Sem var btw sendur deginum áður en pakkinn minn var sendur:( 

Annars var ég að fá staðfest að póstþjónustan í Danmörku er ekki hin besta, fékk bréf nefnilega í gær um að ég mætti sækja pakkann minn sem mamma var að senda mér, þegar ég mæti þá er enginn pakki og hún leitar út um allt en finnur hann ekki, hringir einhvað og ekkert gerist. Fær svo bara símanúmerið mitt og ætlar að hringja í mig ef hann finnst (rosalega uppörvandi þetta EF)..

Annars er bara lítið að gerast, Ingi er enþá að sækja um fullt af vinnum. Algjört vesen á þessu fólki hérna, honum var sagt á síðasta föstudag, eftir 2 vikna praktik, að þeir væru að fara í 3 vikna frí nuna í kringum 14 júlí, en sögðu við hann að ef hann væri ekki búin að fá neina vinnu eftir það þá myndu þeir gera honum tilboð. Þannig að í þessari viku hefur hann farið þarna og unnið fyrir hádegi og er svo að sækja um vinnur eftir hádegi með einhverjum ráðgjafa. En honum var sagt í dag að þeir myndu láta hann vita á morgun ef einhvað væri að gerast í sambandi við Linak (fyrirtækið sem hann var í praktik hjá). Svo fær hann ekkert borgað fyrir þessa praktik nema hann fái vinnuna þannig að þetta er mjög flókið allt saman, en hann er á styrk frá bænum á meðan.

Lífið gengur svona ágætlega þrátt fyrir allt, á fimmtudaginn síðasta var stelpukvöld og við fórum nokkrar út að borða á soldið fansý ítalskan veitingastað og svo á kaffihús, á föstudaginn bauð Edda okkur til þýskalands og við versluðum aðeins, þar sem að það er rosalega dýrt að kaupa gos og nammi hérna. Á Laugardaginn var svo gott veður að við drifum okkur bara snemma á fætur og fórum niðrí bæ og svo á ströndina, Sunnudaginn fórum við bara í göngutúr og höfðum það næs.

Svona líða dagarnir hver af öðrum hérna í Danaveldi

Fjandans krónan er að gera mig gráhærða. Hefur verið ótrúlega gaman að horfa á peningana hverfa síðustu daga.. Jább ég er ekki frá því, frekar fúlt að þetta skuli gerast í miðjum útsölum, sérstaklega þar sem ég er búin að baka brauð, pizzasnúða og skúffuköku og mig vantar einhvað við tímann að gera...

Ég er að fá leið á friends... 

Held að ég kafni úr hita á næstu dögum... 

Þarf líka að fara að æfa mig í að hjóla upp brekku:P 

Fór inn í æðislega föndurbúð hérna í næsta bæ og sá þá að það var verið að selja servíettur í stykkjatali, þá rifjaðist upp fyrir mér að þegar ég var lítil þá átti ég gott safn af servíettum og einnig átti ég fullt af pússuðum steinum oní skókassa sem Grétar pússaði fyrir mig.

Núna safna ég ekki miklu, er ný komin með dellu fyrir Hagkaups matreiðslu bókunum og á 3 (haha).. Svo er ég orðin sjúk í Ritzenhoff glös og það er það eina sem mig langar í. Ég ætti kanski að fara að safna mér húsgögnum eða þá peningum, en það er tvennt sem að er af skornum skammti í augnablikinu! 

ég er búin að leigja bíl frá föstudegi til mánudags, planið var að fara til Odense á föstudag, þýskalands fyrripartinn á laugardaginn og svo líklega í Legoland eða annan skemmtigarð á sunnudaginn. Haldiði þá ekki bara að það eigi að rigna alla helgina, byrjar á morgun og á að rigna þangað til á miðvikudag. Þá er ekkert gaman að fara í skemmtigarð.

Þetta er í fyrsta skipti sem að á að rigna svona lengi meðan við erum hérna, rigndi reyndar daginn sem við fórum til íslands..

Það er líka ekki gaman að vera á hjóli í svona veðri!!!

Kvörtunarhorni Gunnfríðar er lokið í dag 

Lögðum af stað til íslands á mánudeginum, upp úr 11, áttum flug héðan úr Sønderborg  til Køben og svo áttum við flug  frá Køben til Keflavíkur  um hálf 9. Langur dagur fram undan. Náðum aðeins að stoppa í  Køben og fá okkur að borða og  kíktum í nokkrar búðir til að láta tímann líða.  Flugið heim var langt,  biðum út í flugvélinni í rúma klukkustund áður en við máttum taka á loft.  En komumst loksins "heim" og eyddum 10 dögum á íslandi.

Ákváðum svo á bakaleiðinni að við myndum taka lest frá Køben til Sønderborg, sem er svona eiginlega í sitthvorum endanum á Danmörku og höfum það bara þannig að það verður bara flogið hér eftir. Komum svo heim kl 6 aðfaranótt fimmtudagsins, eftir tæplega 6 tíma lestarferð!!! Og þá sá ég að ég hefði fengið atvinnuviðtal á miðvikudeginum, svo var auðvitað Danmarks Fødselsdag á fimmtudaginn þannig að það var allt lokað og auðvitað ákveður fólk að taka sér langa helgi þannig að ég náði ekki inn á föstudeginum.

Annars er lítið fréttnæmt að gerast hérna, bara allt að detta í sömu rútínu og venjulega. En Ingi fer í stórtæka atvinnuleit á mánudaginn þar sem að við erum bæði farin að tala dönsku, meira að segja í síma (sem er hræðilega erfitt, því fólk talar fáránlega hérna)...

Ég veit eiginlega ekkert hvað ég á að skrifa um..

Í síðustu viku byrjuðum við í dansk kursus hjá kollegiinu, erum 3svar í viku á morgnanna sem er rosa fínt því þá förum við snemma á fætur og það verður svo mikið úr deginum. Fórum í gær og skoðuðum sönderborg slot sem er bara safn nuna en fyrir mörgum árum þá var þetta heimilli einhverra aðalsmanna, komums einnig að því að sönderborg var einu sinni undir Þýskalandi og allir íbúarnir voru á móti því og neituðu að tala þýsku, en það eru einmitt einhverjar leifar af þýskalandi hérna eins og þýskur leikskóli og skóli og einhvað meir.

Fórum svo og sóttum blað til að sækja um húsaleigubætur sem að ég var alveg búin að steingleyma, en þetta getur minnkað leiguna hjá okkur um 20 þúsund krónur á mánuði, sem er alveg drjúgur peningur miðað við að vera að borga 50 þúsund.

Lítið gengur í atvinnumálum eins og stendur, en Inga var bent á að fara í vinnumiðlun sem heitir Manpower og við hjóluðum þangað í dag og þá var enginn við, sem var frekar fúlt því þetta er dágóður spotti að hjóla og á veg sem er aðalvegurinn og engin hjólastígur, þannig að við förum þangað eftir kúrsusinn. Fórum einnig í rauðakross búðina því okkur langaði í sófa þar, en þá var búið að selja hann þannig að ég fór bara á netið og splæsti í nýjan ikea svefnsófa sem verður sendur til okkar á mánudaginn í næstu viku, en það er ekkert ikea hérna þannig að maður verður að redda sér..

Hjóluðum áðan í hjúkrunafræðiskólann því það var einhver kynning þarna. Labbaði einn hring um skólann með stelpu sem er að læra, svo hitti ég skólastjórann sem labbaði upp að mér og fór að tala við mig á ensku um að ég þyrfti að vera dugleg að læra dönsku og einhvað, því það var íslensk stelpa í skólanum á síðasta ári sem varð að hætta vegna tungumálaörðuleika. Síðan sátum við á fyrirlestri hjá skólastjóranum (sem var btw á dönsku og ég skildi allt nema 2 orð og er búin að komast að því hvað þau þýða:P). Mér lýst bara enþá betur á námið eftir þetta, það eru einungis 26 nemendur í hverjum tíma og hver önn er 20 vikur og það eru 7 annir..

Annars held ég að þetta sé bara komið gott, kúrsus á morgun og þá þarf að vakna snemma..

Venlig hilsen

Gunnfríður og Ingi Rúnar 

Bætt við 21/5: Ég gleymdi að skrifa í gær að svo virðist sem að við búum á aðalpartýstaðnum í Sönderborg, þegar við komum heim þá ilmaði allt af þessari líka yndislegu hasslykt, var næstum buin að gubba.. 

Við ákváðum að skrá okkur á dönskunámskeið hjá bænum og erum að fara í stöðupróf seinnipartinn á morgun til að ákveða í hvaða þrepi við lendum, spennó:) Svo er það nefnilega þannig að þegar maður er búin með síðasta námskeiðið þá getur maður tekið próf sem hleypir manni inn í háskólana hérna sem hentar fínt, þá þarf ég ekki að taka þetta próf í ágúst.

Annars er lítið sem við höfum gert undan farið, reyndar um helgina þá var Byfest hérna, frá himmelfartsdag (uppstigningardag) til sunnudags og það var alveg hreint ágætis farandtívolí og götumarkaður hérna í garðinum rétt hjá. Svo var líka einhvað ball á laugardeginum en við höfðum farið á pöbbarölt á föstudeginum þannig að við nenntum ekki að fara..

En ég er að hugsa um að skella mér í sturtu eða fara inn áður en ég verð eldrauð.

Annars nenni ég ekki að blogga núna, geri það einhverntíman í vikunni eða þegar einhvað er að frétta.